ക്രൈസ്റ്റ്ചര്‍ച്ച്: ബദ്ധവൈരികളായ പാകിസ്താനെ തകര്‍ത്ത് ഇന്ത്യന്‍ കൗമാരം അണ്‍ര്‍19 ലോകകപ്പ് ഫൈനലില്‍. 203 റണ്‍സിനാണ് പാകിസ്താനെ തോല്‍പിച്ചത്. ടോസ് നേടി ബാറ്റിങ്ങിന് ഇറങ്ങിയ ഇന്ത്യ 50 ഓവറില്‍ ഒന്‍പതു വിക്കറ്റ് നഷ്ടത്തില്‍ 272 റണ്‍സ് നേടി. അസ്‌ത്രേലിയയാണ് ഫൈനലില്‍ ഇന്ത്യയുടെ എതിരാളി.

94 പന്തില്‍ ഏഴു ബൗണ്ടറിയോടെ സെഞ്ചുറി നേടി (പുറത്താകാതെ 102 റണ്‍സ്) മികച്ച ബാറ്റിങ് കാഴ്ചവച്ച ശുഭ്മാന്‍ ഗില്ലിന്റെ തോളിലേറിയാണ് ഇന്ത്യ  മികച്ച സ്‌കോറിലെത്തിയത്.

ക്വാര്‍ട്ടര്‍ ഫൈനല്‍ അടക്കം ഇതുവരെയുള്ള നാലു മല്‍സരങ്ങളും ഗംഭീര പ്രകടനം കാഴ്ച വെച്ചാണ് ഇന്ത്യന്‍ ചുണക്കുട്ടികളുടെ മുന്നേറ്റം. ആദ്യ മല്‍സരത്തില്‍ ഓസീസിനെ 100 റണ്‍സിനു തോല്‍പിച്ച ശേഷം തുടര്‍ന്നുള്ള മല്‍സരങ്ങളില്‍ പാപുവ ന്യൂഗിനി, സിംബാബ്‌വെയെ എന്നിവര്‍ക്കെതിരെ പത്തു വിക്കറ്റിന്റെ ജയമാണ് ഇന്ത്യ നേടിയത്. ഗ്രൂപ്പ് ഘട്ടത്തില്‍ അവിശ്വസനീയ കുതിപ്പ് നടത്തിയ ഇന്ത്യ ക്വാര്‍ട്ടറിലും മോശമാക്കിയില്ല. ബംഗ്ലദേശിനെ തോല്‍പിച്ചത് 131 റണ്‍സിന്. ബാറ്റിങ്ങില്‍ ഉജ്വല ഫോമില്‍ കളിക്കുന്ന ശുഭ്മാന്‍ ഗില്‍ ടൂര്‍ണമെന്റിലെ ടോപ്‌സ്‌കോററുമാണ്.