കോതമംഗലം: ബൈക്കില്‍ കഞ്ചാവുമായി യാത്ര ചെയ്ത രണ്ട് യുവാക്കള്‍ അറസ്റ്റില്‍. പൈങ്ങോട്ടൂര്‍ കുമ്മംകോട്ടില്‍ എബി(21),കടവൂര്‍ കാഞ്ഞാംപുറത്ത് അനന്തു(20)എന്നിവരാണ് എക്‌സൈസ് സംഘം നെല്ലിമറ്റം ഭാഗത്ത് നടത്തിയ മിന്നല്‍ പരിശോധനയ്ക്കിടെ അറസ്റ്റിലായത്.
പ്രതികളില്‍ നിന്ന് ഇരുപത്തിയെട്ട് ഗ്രാം കഞ്ചാവും കണ്ടെടുത്തു.പ്രതികള്‍ നെല്ലിമറ്റം ഭാഗത്ത് നിന്നുമാണ് കഞ്ചാവ് വാങ്ങിയതെന്ന് കുറ്റസമ്മതം നടത്തി.ബൈക്കും കസ്റ്റഡിയിലെടുത്തു.കോതമംഗലം കോടതി പ്രതികളെ ഹാജരാക്കി.എക്‌സൈസ് ഇന്‍സ്‌പെക്ടര്‍ പി.കെ.റോയി,അസി.ഇന്‍സ്‌പെക്ടര്‍ മുഹമ്മദ് അബ്ദുറഹ്മാന്‍ എന്നിവര്‍ നേതൃത്വം നല്‍കി.