കൊച്ചി: അരൂക്കുറ്റി, പാദുവാപുരം സെന്റ് ആന്റണീസ് പള്ളിയില്‍ പുതിയ അള്‍ത്താരയുടെ വെഞ്ചരിപ്പും തിരുനാളും ഇന്നു മുതല്‍ ആരംഭിക്കുമെന്ന് ഫാ.വിപിന്‍ദാസ് വരമ്പേല്‍ വാര്‍ത്താ സമ്മേളത്തില്‍ അറിയിച്ചു. ഇന്നു വൈകുന്നേരം അഞ്ചോടെ കൊച്ചി മെത്രാന്‍ ഡോ. ജോസഫ് കരിയില്‍ അള്‍ത്താര വെഞ്ചരിക്കും. തുടര്‍ന്ന് തിരുനാള്‍ കൊടിയേറും. 18ന് വൈകുന്നേരം അഞ്ചിന് നടക്കുന്ന കായല്‍ വെഞ്ചരിപ്പിന് ശേഷം മതമൈത്രിയുടെ പ്രതീകമായി പുന്നാപ്പള്ളി രാജനും കുടുംബവും കൈതപ്പുഴ കായലില്‍ കുരിശു നാട്ടും. 19നാണ് തിരുനാള്‍ ദിനം. വാര്‍ത്താ സമ്മേളനത്തില്‍ ജനറല്‍ കണ്‍വീനര്‍ റോജന്‍, പ്രസുദേന്തി ജിനു ജോഷി ചുള്ളിത്തറ, മാത്യൂസ് പുതിയമാണിക്കല്‍, ജോണ്‍ വട്ടത്തറ, പബ്ലിസിറ്റി കണ്‍വീനര്‍ സോളമന്‍ അഞ്ചുകണ്ടത്തില്‍ എന്നിവരും പങ്കെടുത്തു.