കൊച്ചി: വി.ഡി സതീശന്‍ എം.എല്‍.എ നയിക്കുന്ന യു.ഡി.എഫ് മേഖലാ ജാഥ ഇന്ന് ജില്ലയില്‍ പ്രവേശിക്കും. ജാഥയെ സ്വീകരിക്കാന്‍ എല്ലാ ഒരുക്കങ്ങളും പൂര്‍ത്തിയായതായി ഡി.സി.സി പ്രസിഡന്റ് ടി.ജെ വിനോദ്, യു.ഡി.എഫ് ജില്ലാ ചെയര്‍മാന്‍ എം.ഒ ജോണ്‍, കണ്‍വീനര്‍ വിന്‍സന്റ് ജോസഫ് എന്നിവര്‍ അറിയിച്ചു. ജാഥയെ വൈകിട്ട് 4.30ന് ജില്ലാ അതിര്‍ത്തിയില്‍ നിന്നും ഇരു ചക്ര വാഹനങ്ങളുടേയും വാദ്യമേളങ്ങളുടേയും അകമ്പടിയോടെ സ്വീകരിച്ച് വൈറ്റിലയില്‍ എത്തിക്കും. വൈറ്റിലയില്‍ നടക്കുന്ന ജില്ലാതല ഉദ്ഘാടനം കെ.സി വേണുഗോപാല്‍ എം.പി ഉദ്ഘാടനം ചെയ്യും. തുടര്‍ന്ന് 6മണിക്ക് തൃപ്പൂണിത്തുറയില്‍ സമാപിക്കും. സമാപന സമ്മേളനം കെ മുരളീധരന്‍ ഉദ്ഘാടനം ചെയ്യും.