HOME
DETAILS

കൂവത്തൂരില്‍ നിരോധനാജ്ഞ; പനീര്‍ശെല്‍വത്തിന് എം.എല്‍.എമാരെ കാണാനായില്ല

  
backup
February 14 2017 | 11:02 AM

%e0%b4%95%e0%b5%82%e0%b4%b5%e0%b4%a4%e0%b5%8d%e0%b4%a4%e0%b5%82%e0%b4%b0%e0%b4%bf%e0%b4%b2%e0%b5%8d%e2%80%8d-%e0%b4%a8%e0%b4%bf%e0%b4%b0%e0%b5%8b%e0%b4%a7%e0%b4%a8%e0%b4%be%e0%b4%9c%e0%b5%8d%e0%b4%9e

ചെന്നൈ: അണ്ണാ ഡി.എം.കെ എം.എല്‍.എമാരും ജനറല്‍ സെക്രട്ടറി വി.കെ ശശികലയുമുള്ള കൂവത്തൂരിലെ റിസോര്‍ട്ട് പരിസരത്ത് തമിഴ്‌നാട് പൊലിസ് നിരോധനാജ്ഞ പ്രഖ്യാപിച്ചു. ശശികലയ്‌ക്കെതിരായ സുപ്രിംകോടതി വിധിക്കു പിന്നാലെയാണ സെക്ഷന്‍ 144 പ്രകാരം നിരോധനാജ്ഞ പ്രഖ്യാപിച്ചത്.

ഇതോടെ എം.എല്‍.എമാരെ കാണാനായി കൂവത്തൂരിലേക്ക് തിരിച്ച കാവല്‍ മുഖ്യമന്ത്രി പനീര്‍ശെല്‍വത്തിന് ഇത് തിരിച്ചടിയായി. സുരക്ഷാ കാരണങ്ങളാല്‍ പനീര്‍ശെല്‍വം റിസോര്‍ട്ടിനുള്ളിലേക്ക് കടക്കുന്നത് വിലക്കിയതായാണ് റിപ്പോര്‍ട്ട്. പനീര്‍ശെല്‍വത്തിന്റെ അനുയായികളെ വഴിയില്‍ വെച്ച് പൊലിസ് തടഞ്ഞിരുന്നു. വിധി വന്നതോടെ റിസോര്‍ട്ടിന് സമീപത്തും ചെന്നൈയിലും പൊലിസ് സുരക്ഷ ശക്തമാക്കിയിരുന്നു.

c4nbkyiweaibqyz

അതേസമയം വിധി പ്രസ്താവിച്ചതിനു ശേഷവും ശശികല റിസോര്‍ട്ടില്‍ തന്നെ തുടരുകയാണ്. വിധി വരുന്നതിന്റെ പശ്ചാത്തലത്തില്‍ ഇന്നലെ വൈകുന്നേരത്തോടെയാണ് ശശികല കൂവത്തൂരിലെ ഗോള്‍ഡന്‍ ബേ റിസോര്‍ട്ടില്‍ എത്തിയത്.

അതേസമയം,  അണ്ണാ ഡിഎംകെ നിയമസഭാ കക്ഷി നേതാവായി തിരഞ്ഞെടുത്ത എടപ്പാടി പളനിസാമി ഇന്നു ഗവർണർ സി. വിദ്യാസാഗർ റാവുവിനെ കണ്ടേക്കും. വൈകിട്ട് 5.30 ന് ഗവർണറെ കാണുമെന്നാണ് പളനിസാമി അറിയിച്ചിരിക്കുന്നത്. ഗവർണറെ ഒറ്റയ്ക്കു കാണാൻ അനുമതി ലഭിച്ചെന്നും പളനിസാമി പറഞ്ഞു. 



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."