കുന്ദമംഗലം: നാഷനല്‍ യൂത്ത് പ്രൊമോഷന്‍ കൗണ്‍സിലിന്റെയും റോട്ടറാക്ട്ട് ക്ലബിന്റെയും സംയുക്താഭിമുഖ്യത്തില്‍ നടത്തുന്ന കുന്ദമംഗലം മഹോത്സവവും ഫ്‌ളവര്‍ ഷോയും നാളെ ആരംഭിക്കും. കാരന്തൂര്‍ മര്‍ക്കസിനു സമീപം ഡാസില്‍ ആട്രിയം ഗ്രൗണ്ടിലാണ് പരിപാടികള്‍ നടക്കുക. നാഷനല്‍ യൂത്ത് പ്രൊമോഷന്‍ കൗണ്‍സില്‍ നടപ്പാക്കുന്ന വിവിധ ജീവകാരുണ്യ പ്രദര്‍ശനങ്ങള്‍ക്കു പണം കണ്ടെത്തുന്നതിന്റെ ഭാഗമായാണ് പ്രദര്‍ശനം സംഘടിപ്പിക്കുന്നത്.
ഇന്ത്യക്കകത്തും പുറത്തുമുള്ള കര്‍ഷകരുടെയും സ്ഥാപനങ്ങളുടെയും സ്റ്റാളുകളും ഉണ്ടാകും.ആധുനികവും പരമ്പരാഗതവുമായി കൃഷിരീതികള്‍, പുഷ്പാലങ്കാരം, ഔഷധ സസ്യ കൃഷി, സുഗന്ധവിള കൃഷി, ജൈവകൃഷി എന്നിവയെക്കുറിച്ച് പ്രകത്ഭരുടെ ക്ലാസുകളും നടക്കും.
വാര്‍ത്താ സമ്മേളനത്തില്‍, പി. അനില്‍ ,രഞ്ജിത്, യുജിന്‍ ജോണ്‍സണ്‍, ശ്രുതി, മുഹമ്മദ് റാഫി പങ്കെടുത്തു.