അഹമ്മദ് പാതിരിപ്പറ്റ

ദോഹ: രക്തം ഹൃദയത്തില്‍ നിന്നൊരു സമ്മാനം എന്ന സന്ദേശം ഉയര്‍ത്തി കൊണ്ട് ബ്ലഡ് ഡോണേഴ്‌സ് കേരള ഖത്തര്‍ ചാപ്റ്ററും, ഏഷ്യന്‍ ടൗണും ചേര്‍ന്ന് ഹമദ് ഹോസ്പിറ്റലിന്റെ സഹകരണത്തോടെ ഖത്തര്‍ സ്‌പോര്‍ട്‌സ് ഡേ പ്രമാണിച്ച് ഏഷ്യന്‍ ടൗണില്‍ വച്ച് മെഗാ രക്തദാന ക്യാമ്പ് സംഘടിപ്പിച്ചു.

ബി.ഡി.കെ ഖത്തര്‍ ചാപ്റ്ററിന്റെ രക്ഷാധികാരി അഡ്വ. നിസാര്‍ കോച്ചേരിയുടെ നേതൃത്വത്തില്‍ ക്യാമ്പില്‍ പ്രാവാസി കുടുംബിനികളും പ്രവാസികളായ നിരവധി പേര്‍ രക്തദാനം ചെയ്തു. ഇമാറ ഹെല്‍ത്ത് കേയര്‍ സി.ഒ ശ്രീ ഹക്കിം, ബി.ഡി.കെ ഖത്തര്‍ പ്രസിഡന്റ് ഷാജി വെട്ടുകാട്ടില്‍, സെക്രട്ടറി റെനി തോമസ്സ്, എക്‌സിക്യൂട്ടീവ് അംഗങ്ങളായ കൃഷ്ണകുമാര്‍ , ഷിനോബ് ,രാജേഷ്, ഗിരീഷ് , സരീഷ്, വെളിച്ചം ഖത്തര്‍ കൂട്ടായ്മയിലെ ശ്രീ ജാഫര്‍ എന്നിവരും സന്നിഹിതരായിരുന്നു.