തിരുവനന്തപുരം: അനുജന്റെ കസ്റ്റഡി മരണത്തിന് ഉത്തരവാദികളായവരെ ശിക്ഷിക്കണമെന്ന ആവശ്യവുമായി സെക്രട്ടേറിയറ്റിനു മുന്നില്‍ സമരം നടത്തിയ ശ്രീജിത്തിന്റെ സൃഹൃത്ത് ആന്‍ഡേഴ്‌സണ്‍ ചെങ്ങന്നൂര്‍ ഉപതെരഞ്ഞെടുപ്പില്‍ മത്സരിക്കുന്നു. സമരപ്പന്തലിലെത്തിയ പ്രതിപക്ഷ നേതാവ് രമേശ് ചെന്നിത്തലയോട് രൂക്ഷമായി പ്രതികരിച്ച ആന്‍ഡേഴ്‌സന് യൂത്ത് കോണ്‍ഗ്രസ് പ്രവര്‍ത്തകരുടെ മര്‍ദനമേറ്റിരുന്നു. പ്രചാരണത്തിന് ശ്രീജിത്ത് എത്തുമെന്ന് ആന്‍ഡേഴ്‌സണ്‍ അറിയിച്ചു. പ്രചാരണത്തിന്റെ ഭാഗമായി പൊതുജനം എന്നൊരു തെരുവുനാടകം അവതരിപ്പിക്കുമെന്നും ആന്‍ഡേഴ്‌സണ്‍ പറഞ്ഞു.