നെയ്യാറ്റിന്‍കര: പ്രതിഷ്ഠാ വാര്‍ഷികം നടക്കുന്ന അരുവിപ്പുറം ക്ഷേത്രവും മഠവും എം.പിമാരായ ശശിതരൂരും റിച്ചാര്‍ഡ് ഹേയും സന്ദര്‍ശിച്ചു.
ശ്രീനാരായണ ധര്‍മ സംഘം ട്രസ്റ്റ് ജനറല്‍ സെക്രട്ടറി സ്വാമി സാന്ദ്രാനന്ദ, ധര്‍മ്മ സംഘം ട്രസ്റ്റ് ബോര്‍ഡ് അംഗം സ്വാമി വിശാലാനന്ദ, അരുവിപ്പുറം പ്രചാരസഭ ചീഫ് കോര്‍ഡിനേറ്റര്‍ വണ്ടന്നൂര്‍ സന്തോഷ് എന്നിവര്‍ ഇരുവരെയും സ്വീകരിച്ചു. ശിവക്ഷേത്രവും മഠവും ശങ്കരന്‍കുഴിയും സന്ദര്‍ശിച്ച എം.പിമാര്‍ രണ്ട് മണിക്കൂറോളം അരുവിപ്പുറത്ത് ചെലവഴിച്ചു. മഠത്തിന്റെ പ്രവര്‍ത്തനങ്ങള്‍ക്ക് പൂര്‍ണ പിന്തുണയറിയിച്ചാണ് എം.പിമാര്‍ മടങ്ങിയത്.