ചേളാരി: സമസ്ത യതീംഖാന കോ ഓര്‍ഡിനേഷന്‍ കമ്മിറ്റിയുടെ ആഭിമുഖ്യത്തില്‍ സ്ഥാപന ഭാരവാഹികളുടെ യോഗം ഫെബ്രു. 28 ന് ബുധനാഴ്ച 2 മണിക്ക് കോഴിക്കോട് സമസ്ത ഓഡിറ്റോറിയത്തില്‍ ചേരും. 1960ലെ ഓര്‍ഫനേജ് ആക്ട് അനുസരിച്ച് രജിസ്റ്റര്‍ ചെയ്ത് പ്രവര്‍ത്തിക്കുന്ന യതീംഖാനകള്‍ ജെ.ജെ. ആക്ട് -2015 പ്രകാരം വീണ്ടും റജിസ്റ്റര്‍ ചെയ്യണമെന്ന സംസ്ഥാന സര്‍ക്കാര്‍ ഉത്തരവിനെ ചോദ്യം ചെയ്ത് സമസ്ത സുപ്രിംകോടതിയില്‍ ഫയല്‍ ചെയ്ത കേസില്‍ വാദം തുടരുന്ന സാഹചര്യത്തിലാണ് യോഗം ചേരുന്നത്.
സമസ്ത നേതാക്കള്‍ക്കു പുറമെ പ്രമുഖ നിയമജ്ഞരും പങ്കെടുക്കും. ബന്ധപ്പെട്ട സ്ഥാപന ഭാരവാഹികള്‍ യോഗത്തില്‍ പങ്കെടുക്കണമെന്ന് പ്രസിഡന്റ് സയ്യിദ് സാദിഖലി ശിഹാബ് തങ്ങളും ജനറല്‍ സെക്രട്ടറി കെ.ടി. കുഞ്ഞിമാന്‍ ഹാജിയും അറിയിച്ചു. കൂടുതല്‍ വിവരങ്ങള്‍ക്ക് . ഫോണ്‍: 9946888444.