ഗുവാഹത്തി: വടക്കുകിഴക്കന്‍ സംസ്ഥാനങ്ങളില്‍ നടന്ന തെരഞ്ഞെടുപ്പില്‍ ബി.ജെ.പി വന്‍നേട്ടമുണ്ടാക്കിയ സാഹചര്യത്തില്‍ കോണ്‍ഗ്രസിനും പാര്‍ട്ടി അധ്യക്ഷനുമായ രാഹുല്‍ ഗാന്ധിക്കെതിരേ പരിഹാസവുമായി ബി.ജെ.പി നേതാവും അസം മന്ത്രിയുമായ ഹിമാന്ത ബിശ്വ ശര്‍മ.
തെരഞ്ഞെടുപ്പുഫലം പുറത്തു വന്നതിനു പിന്നാലെ ബി.ജെ.പി ദേശീയ അധ്യക്ഷന്‍ അമിത് ഷായേയും കോണ്‍ഗ്രസ് അധ്യക്ഷന്‍ രാഹുല്‍ ഗാന്ധിയേയും താരതമ്യം ചെയ്തുകൊണ്ട് സംസാരിക്കുകയായിരുന്നു അദ്ദേഹം. അമിത് ഷാ രാഷ്ട്രീയത്തില്‍ ബിരുദാനന്തര ബിരുദ വിദ്യാര്‍ഥിയാണെങ്കില്‍ രാഹുല്‍ ഗാന്ധി നഴ്‌സറി ക്ലാസിലാണെന്നാണ് അദ്ദേഹം പരിഹസിച്ചത്. രാഷ്ട്രീയ പ്രവര്‍ത്തന രംഗത്ത് അമിത് ഷായേയും രാഹുല്‍ ഗാന്ധിയേയും താരതമ്യം ചെയ്ത് വാര്‍ത്താ ലേഖകരോട് സംസാരിക്കുകയായിരുന്നു അദ്ദേഹം.