കാസര്‍കോട്: 'അഭിമാനകരമായ അസ്തിത്വത്തിന്റെ ഏഴ് പതിറ്റാണ്ട്' എന്ന സന്ദേശവുമായി ഇന്ത്യന്‍ യൂനിയന്‍ മുസ്‌ലിം ലീഗിന്റെ എഴുപതാം വാര്‍ഷിക ദിനമായ മാര്‍ച്ച് 10 സംസ്ഥാന വ്യാപകമായി ഉണര്‍ത്തു ദിനമായി ആചരിക്കും.
ഉണര്‍ത്തുദിനത്തിന്റെ ഭാഗമായി ജില്ലയിലെ വാര്‍ഡുകളില്‍ പ്രഭാതഭേരിയും പതാക ഉയര്‍ത്തലും നടക്കും. പഞ്ചായത്ത്, മുനിസിപ്പല്‍, നിയോജക മണ്ഡലം തലങ്ങളില്‍ ചര്‍ച്ചാ സമ്മേളനങ്ങളും സംഘടിപ്പിക്കണമെന്നും കീഴ്ഘടകങ്ങളില്‍ പരിപാടികള്‍ നടത്തുന്നതിന് നിയോജക മണ്ഡലം, മുനിസിപ്പല്‍, പഞ്ചായത്ത് മുസ്‌ലിം ലീഗ് കമ്മിറ്റികള്‍ പ്രത്യേക ശ്രദ്ധ ചെലുത്തണമെന്നും ജില്ലാ പ്രസിഡന്റ് എം.സി ഖമറുദ്ദീനും ജനറല്‍ സെക്രട്ടറി എ. അബ്ദുല്‍ റഹ്മാനും അറിയിച്ചു.