കോഴിക്കോട്: സുപ്രഭാതം മൂന്നാം വാര്‍ഷികോപഹാരമായി ഒരുക്കിയ വാട്‌സ്ആപ് പ്രവചന മത്സര പദ്ധതിയിലെ വിജയികള്‍ക്ക് സമ്മാനം നല്‍കി. ഖത്തര്‍ അല്‍റവാബി ഗ്രൂപ്പ് എം.ഡി എം.പി അബ്ദുല്ല ഹാജി ബംപര്‍ സമ്മാനം നല്‍കി. മലപ്പുറം കടുങ്ങല്ലൂര്‍ ചോലയില്‍ അഹ്മദ് കബീര്‍ ബംപര്‍ സമ്മാനം ഏറ്റുവാങ്ങി. വിജയികളായ മറ്റു 17 പേര്‍ക്കും സമ്മാനം നല്‍കി. സുപ്രഭാതം മാനേജിങ് എഡിറ്റര്‍ നവാസ് പൂനൂര്‍ അധ്യക്ഷനായി. ഇഖ്‌റഅ് പബ്ലിക്കേഷന്‍സ് വൈസ് ചെയര്‍മാന്‍ സയ്യിദ് മുഹമ്മദ് കോയ തങ്ങള്‍ ജമലുല്ലൈലി ഉദ്ഘാടനം ചെയ്തു. മത്സരത്തില്‍ പങ്കെടുത്തവരുടെ ഡാറ്റ പരസ്യദാതാക്കള്‍ക്ക് എക്‌സിക്യൂട്ടീവ് എഡിറ്റര്‍ എ. സജീവന്‍ കൈമാറി. എഡിറ്റര്‍ ഡോ. ബഹാഉദ്ദീന്‍ മുഹമ്മദ് നദ്‌വി, അബ്ദുല്‍ ഹമീദ് ഫൈസി അമ്പലക്കടവ്, ഉമര്‍ ഫൈസി മുക്കം, സുപ്രഭാതം ഡെപ്യൂട്ടി സി.ഇ.ഒ ഐ.എം അബ്ദുറഹ്മാന്‍, പി. കെ മുഹമ്മദ്, മലബാര്‍ ഗോള്‍ഡ് ആന്‍ഡ് ഡയമണ്ട്‌സ് കോര്‍പറേറ്റ് മീഡിയ ആന്‍ഡ് പബ്ലിക് റിലേഷന്‍സ് ഹെഡ് നാരായണന്‍, അല്‍ഹിന്ദ് ടൂര്‍സ് ആന്‍ഡ് ട്രാവല്‍സ് എക്‌സിക്യൂട്ടീവ് ഡയറക്ടര്‍ മുബഷിര്‍, ചെമ്മാട് സീനത്ത് ടെക്‌സ്റ്റൈല്‍സ് എം.ഡി അബ്ദുല്‍കലാം, സുപ്രഭാതം മാര്‍ക്കറ്റിങ് മാനേജര്‍ അലവിക്കുട്ടി, അസി. മാനേജര്‍ (സ്ട്രാറ്റജി) കെ. അബൂബക്കര്‍ എന്നിവര്‍ പങ്കെടുത്തു