കോഴിക്കോട്: താമരശ്ശേരി-മുക്കം സംസ്ഥാന പാതയിൽ കൂടത്തായി പാലത്തിന് സമീപം പച്ചക്കറി ലോറി മറിഞ്ഞ് അപകടം. തിരുവനന്തപുരം സ്വദേശികളായ ഡ്രൈവർ മധുവിനും ക്ലീനർ വിനുവിനും പരിക്കേറ്റു. ഇരുവരെയും താമരശ്ശേരി താലൂക്ക് ആശുപത്രിയിൽ പ്രാഥമിക ചികിത്സ നൽകിയ ശേഷം ഓമശ്ശേരിയിലെ സ്വകാര്യ ആശുപത്രിയിൽ പ്രവേശിപ്പിച്ചു. മൈസൂരുവിൽ നിന്ന് തിരുവനന്തപുരത്തേക്ക് പോകുകയായിരുന്ന ലോറിയാണ് അപകടത്തിൽപ്പെട്ടത്.