പോര്‍ട്ട് ലൂയിസ്: അഴിമതി വിവാദത്തെ തുടര്‍ന്ന് കിഴക്കന്‍ ആഫ്രിക്കന്‍ രാജ്യമായ മൗറിഷ്യസിന്റെ പ്രസിഡന്റ് അമീന ഗുരീബ് ഫാകിം രാജിവച്ചു.
ആഫ്രിക്കന്‍ ഭൂഖണ്ഡത്തിലെ ഏക വനിതാ രാഷ്ട്രനായികയാണ് അമീന. ജീവശാസ്ത്രജ്ഞ കൂടിയാണ് അവര്‍. ലണ്ടന്‍ കേന്ദ്രമായ പ്ലാനറ്റ് എര്‍ത്ത് ഇന്‍സ്റ്റിറ്റ്യൂട്ടില്‍ അംഗമാണ്. എന്‍.ജി.ഒയുടെ ക്രെഡിറ്റ് കാര്‍ഡ് ഉപയോഗിച്ച് അവര്‍ ആഭരണങ്ങളും ആഡംബര വസ്തുക്കളും അടക്കം സ്വകാര്യ ആവശ്യങ്ങള്‍ക്കായി ഷോപ്പിങ് നടത്തിയെന്നാണ് ആരോപണം. 25,000 യൂറോ വിലമതിക്കുന്ന സാധനങ്ങളാണ് അവര്‍ വാങ്ങിയത്. പ്രാദേശിക പത്രമാണ് ആരോപണം ആദ്യമായി ഉയര്‍ത്തിയത്.