HOME
DETAILS

പ്രസ്താവന വസ്തുതാവിരുദ്ധം: ബസ് ഓപ്പറേറ്റേഴ്‌സ് അസോസിയേഷന്‍

  
backup
March 22 2018 | 04:03 AM

%e0%b4%aa%e0%b5%8d%e0%b4%b0%e0%b4%b8%e0%b5%8d%e0%b4%a4%e0%b4%be%e0%b4%b5%e0%b4%a8-%e0%b4%b5%e0%b4%b8%e0%b5%8d%e0%b4%a4%e0%b5%81%e0%b4%a4%e0%b4%be%e0%b4%b5%e0%b4%bf%e0%b4%b0%e0%b5%81%e0%b4%a6%e0%b5%8d


കണ്ണൂര്‍: ചെയര്‍മാന്‍ സ്ഥാനത്തുനിന്ന് തന്നെ നീക്കം ചെയ്തതായുള്ള വിവരം രേഖാമൂലം അറിയിച്ചിട്ടില്ലെന്നുള്ള ബസ് ഉടമ വി.ജെ സെബാസ്റ്റ്യന്റെ പ്രസ്താവന വസ്തുതാവിരുദ്ധമാണെന്ന് ബസ് ഓപ്പറേറ്റേഴ്‌സ് അസോസിയേഷന്‍ കോര്‍ഡിനേഷന്‍ കമ്മിറ്റി ചെയര്‍മാന്‍ എം.വി വത്സലന്‍ വാര്‍ത്താസമ്മേളനത്തില്‍ പറഞ്ഞു. ബസുടമകള്‍ക്കുണ്ടാവുന്ന പ്രശ്‌നങ്ങള്‍ക്കെതിരായും ജില്ലയില്‍ പ്രയാസം അനുഭവിക്കുന്ന സ്വകാര്യ ബസ് വ്യവസായത്തെ താറുമാറാക്കുന്ന പ്രവര്‍ത്തനവുമായി മുന്നോട്ട് പോയതിനാല്‍ കോര്‍ഡിനേഷന്‍ മീറ്റിങ്ങില്‍ വി.ജെ സെബാസ്റ്റ്യനെ ഏകണ്‌ഠ്യേന ചെയര്‍മാന്‍ സ്ഥാനത്തുനിന്ന് നീക്കം ചെയ്യാന്‍ തീരുമാനിക്കുകയായിരുന്നു.
വി.ജെ സെബാസ്റ്റ്യനെ ചെയര്‍മാന്‍ സ്ഥാനത്ത് നിന്നും പി.കെ പവിത്രനെയും കോര്‍ഡിനേഷന്‍ കമ്മിറ്റിയില്‍നിന്നും നീക്കിയ വിവരം രേഖാമൂലം അറിയിക്കുകയും ചെയ്തിരുന്നു.
നിലവില്‍ ഒരു ബസ് മാത്രമുള്ള ഇദ്ദേഹം സംഘടനയുടെ ചെയര്‍മാനായി തുടരുകയും ലെറ്റര്‍പാഡ് ദുരുപയോഗം ചെയ്യുകയുമാണ്. ഇത് ജില്ലയിലെ മുഴുവന്‍ ഉദ്യോഗസ്ഥരെയും ബസുടമസ്ഥരെയും ജനങ്ങളെയും തെറ്റിദ്ധരിപ്പിക്കുകയും കമ്മിറ്റിയുടെ പ്രവര്‍ത്തനത്തെ സാരമായി ബാധിക്കുകയും ചെയ്യുന്നുണ്ട്. 2018 വര്‍ഷത്തേക്ക് അനുവദിച്ചുള്ള ബസ് പാസ് രജിസ്‌ട്രേഷന്‍ നിയമ പ്രകാരം രജിസ്റ്റര്‍ ചെയ്തതാണ്.
ഈ കാര്‍ഡ് മറ്റാര്‍ക്കും വിതരണം ചെയ്യാന്‍ പാടില്ലാത്തതിനാല്‍ കഴിഞ്ഞ ദിവസം വി.ജെ സെബാസ്റ്റ്യന്‍ ഇതുസംബന്ധിച്ച് നടത്തിയ വാര്‍ത്താസമ്മേളനം വെറും പരിഹാസ്യമാണെന്നും അദ്ദേഹം പറഞ്ഞു. വാര്‍ത്താസമ്മേളനത്തില്‍ രാജുകുമാര്‍ കരുവാരത്ത്, കെ. ഗംഗാധരന്‍, എം.കെ രഞ്ജിത്ത് കുമാര്‍, കെ. വിജയന്‍ എന്നിവരും പങ്കെടുത്തു.

 



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."