HOME
DETAILS

കാണാതായ കുട്ടിയെ പിതാവിനെ ഏല്‍പ്പിച്ചു

  
backup
March 30 2018 | 05:03 AM

%e0%b4%95%e0%b4%be%e0%b4%a3%e0%b4%be%e0%b4%a4%e0%b4%be%e0%b4%af-%e0%b4%95%e0%b5%81%e0%b4%9f%e0%b5%8d%e0%b4%9f%e0%b4%bf%e0%b4%af%e0%b5%86-%e0%b4%aa%e0%b4%bf%e0%b4%a4%e0%b4%be%e0%b4%b5%e0%b4%bf%e0%b4%a8

 

ഷൊര്‍ണൂര്‍: തമിഴ്‌നാട് ഈറോഡില്‍ നിന്ന് രണ്ട് ദിവസം മുമ്പ് കാണാതായ പതിനാലുകാരനെ ഷൊര്‍ണൂര്‍ റെയില്‍വെ പൊലിസ് പിതാവിനെ ഏല്‍പിച്ചു. ഇന്നലെ രാവിലെ ഷൊര്‍ണൂരിലെത്തിയ അമൃത എക്‌സ്പ്രസില്‍ നിന്നാണ് ഡ്യൂട്ടിയിലുണ്ടായിരുന്ന സി.പി.ഒമാരായ റിജു, രവി എന്നിവരാണ് ബാലനെ കണ്ടെത്തിയത്.
മുഷിഞ്ഞ വേഷത്തില്‍ കണ്ട ബാലനെ ചോദ്യം ചെയ്തപ്പോള്‍ ഒന്നും പറയാത്ത സാഹചര്യത്തില്‍ കസ്റ്റഡിയിലെടുത്ത് റെയില്‍വെ പൊലിസ് സ്റ്റേഷനില്‍ കൊണ്ടുവരുകയായിരുന്നു. പിന്നീടാണ് കുട്ടി നാടും പിതാവിന്റെ പേരും ഫോണ്‍ നമ്പറും പൊലിസിന് നല്‍കിയത്. ആ നമ്പറില്‍ പൊലിസ് ഫോണ്‍ ചെയ്തപ്പോള്‍ പിതാവിനെ ലഭിച്ചു.
ഈറോഡ് കരിങ്കല്‍പാളയത്തെ പോള്‍രാജിന്റെ മകനായിരുന്നു ഈ ബാലന്‍. രണ്ട് ദിവസം മുമ്പ് വീട്ടില്‍ നിന്നു കാണാതായ മകനെ അന്വേഷിച്ചു കൊണ്ടിരിക്കുകയായിരുന്നു പോള്‍ രാജ്. മകന്‍ റെയില്‍വെ പൊലിസിന്റെ കസ്റ്റഡിയിലുണ്ടെന്ന് അറിഞ്ഞ ഉടനെ അവിടെ നിന്ന് അടുത്ത ട്രെയിനില്‍ ഷൊര്‍ണൂരിലേക്ക് കയറി. ഉച്ചക്ക് ഒരു മണിക്ക് ശേഷമാണ് ഷൊര്‍ണൂരിലെത്തിയത്.
റെയില്‍വെ പൊലിസ് സ്റ്റേഷനില്‍ മകനെ ഏറ്റുവാങ്ങി അടുത്ത ട്രെയിനില്‍ ഈ റോഡിലേക്ക് തിരിച്ചു പോയി.



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."