തൊഴിലുറപ്പ് പദ്ധതിയില്പ്പെടുത്തി റോഡ് നിര്മാണം തുടങ്ങി
മൂവാറ്റുപുഴ: ബ്ലോക്ക് പഞ്ചായത്ത് ആയവന പഞ്ചായത്തില് 2017-18 വാര്ഷിക പദ്ധതിയും തൊഴിലുറപ്പ് പദ്ധതിയുടെ പശ്ചാത്തലമേഖലയില് ചെലഴിക്കാവുന്ന നാല്പതു ശതമാനം ഫണ്ടും ഉപയോഗിച്ച് തയാറാക്കിയ സംയോജിത കണ്വര്ജന്സ് വര്ക്കുകളുടെ നിര്മ്മാണോദ്ഘാടനം ആയവന പഞ്ചായത്ത് നാലാം വാര്ഡിലെ മുക്കണ്ണിപാടം കോച്ചേരികണ്ടം ലക്ഷംവീട് കോളനി റോഡില് നടന്നു. പഞ്ചായത്ത് പ്രസിഡന്റ് എം.എം അലിയാര് നിര്മാണോദ്ഘാടനം നിര്വഹിച്ചു.
ചടങ്ങില് ബ്ലോക്ക് പഞ്ചായത്ത് അംഗം സുഭാഷ് കടയ്ക്കോട്ട് അധ്യക്ഷത വഹിച്ചു. ബ്ലോക്ക് പഞ്ചായത്ത് സ്റ്റാന്റിങ് കമ്മിറ്റി ചെയര്പേഴ്സണ് ജാന്സി ജോര്ജ്, ബി.ഡി.ഒ നൈസി റഹ്മാന്, ജോയിന്റ് ബി.ഡി.ഒ. ശ്രീദേവി, ഒവര്സീയര് എം.എന് ജിദ, എന്.പി ദീപ, മിഥു എം. ജോയി, ദിനീപ് ലാലു, എം.എ. ബഷീര്, ജലീല് മുക്കണ്ണിയില്, അഷറഫ് ഇടപ്ലായില്, എം.എ ഉമ്മര്, എം.എ മൈതീന്, ഉഷ രാമകൃഷ്ണന്, സാജിത മുനീര് എന്നിവര് സംസാരിച്ചു.
സംയോജിത പദ്ധതിയില്പ്പെടുത്തി മൂവാറ്റുപുഴ ബ്ലോക്ക് പഞ്ചായത്ത് ഈ വര്ഷം ആയവന പഞ്ചായത്തില് 22 ലക്ഷം രൂപ മുടക്കി വിവിധ റോഡുകളും നടപ്പാതകളും നടപ്പാക്കുന്നുണ്ട്. ഈ പദ്ധതി പ്രകാരം തൊഴിലുറപ്പ് തൊഴിലാളികള്ക്ക് കൂടുതല് തൊഴില്ദിനം ലഭിക്കുന്നു.
തൊഴിലുറപ്പ് ഫണ്ട് പശ്ചാത്തലമേഖലയില് കൂടുതലായി ചെലവഴിക്കാന് കഴിയുന്നു. ഇതിലൂടെ ഗ്രാമീണ മേഖലയില് വന് വികസനം എത്തിക്കുവാന് ഈ പദ്ധതികൊണ്ട് കഴിയുന്നു.
Comments (0)
Disclaimer: "The website reserves the right to moderate, edit, or remove any comments that violate the guidelines or terms of service."