അഞ്ചല്‍: കാറില്‍ സഞ്ചരിച്ച ദമ്പതികളെ ആക്രമിച്ചു. അധ്യാപികയായ അഞ്ചല്‍ പുത്താറ്റ് കൃപയില്‍ അപര്‍ണ, ഭര്‍ത്താവ് കണ്ണന്‍, ആറ് വയസ് പ്രായമുള്ള മകള്‍ എന്നിവരെയാണ് ആക്രമിച്ചത്. ആയൂരില്‍ നിന്ന് അഞ്ചലിലോട്ട് വന്ന കാറിനെ ഓവര്‍ടേക്ക് ചെയ്യാന്‍ ശ്രമിച്ച ഇന്നോവ കാറിന് സൈഡ് കൊടുത്തില്ല എന്ന കാരണത്താലാണ് കാര്‍ തടഞ്ഞു നിര്‍ത്തി മര്‍ദിച്ചത്. അസഭ്യം പറഞ്ഞു അപമാനിച്ചുവെന്നും അപര്‍ണ പറഞ്ഞു.അഞ്ചല്‍ ഏരൂര്‍ സ്വദേശികളായ യൂസുഫ്, മുഹമ്മദ് ഷാ എന്നിവരെ നാട്ടുകാര്‍ തടഞ്ഞു വെച്ച് പൊലിസിനെ ഏല്‍പ്പിച്ചു. ഇന്നോവ കാര്‍ പൊലിസ് കസ്റ്റഡിയില്‍ എടുത്തു. എന്നാല്‍ പ്രതികള്‍ക്കെതിരെ ദുര്‍ബല വകുപ്പുകള്‍ ചുമത്തി രാത്രിയില്‍ തന്നെ വിട്ടയച്ചതായി പരാതിയുണ്ട്. പ്രതികളെ സഹായിക്കാന്‍ പ്രദേശത്തെ ഉന്നത പൊലിസ് ഉദ്യോഗസ്ഥന്‍ ഇടപെട്ടതായി ആരോപണം ഉയര്‍ന്നിട്ടുണ്ട്.