ബംഗളൂരു:ബി.ജെ.പി ദേശീയ അധ്യക്ഷന്‍ അമിത് ഷാ തന്റെ ജാതി വെളിപ്പെടുത്തണമെന്ന് കര്‍ണാടക മുഖ്യമന്ത്രി സിദ്ധരാമയ്യ. സിദ്ധരാമയ്യ അഹിന്ദുവാണെന്ന അമിത് ഷായുടെ പരാമര്‍ശത്തോട് പ്രതികരിക്കുകയായിരുന്നു അദ്ദേഹം.
സിദ്ധരാമയ്യ അഹിന്ദ(കര്‍ണാടകയില്‍ ന്യുനപക്ഷങ്ങളെയും പിന്നോക്ക വിഭാഗക്കാരേയും വിശേഷിപ്പിക്കുന്നത് ഇങ്ങനെയാണ്)യല്ല മറിച്ച് അഹിന്ദുവാണെന്നാണ് അമിത് ഷാ കര്‍ണാടകയില്‍ വാര്‍ത്താ സമ്മേളനത്തില്‍ ആരോപിച്ചിരുന്നത്. അമിത് ഷാ ഹിന്ദുവാണോ അല്ലയോ എന്ന് അദ്ദേഹം ആദ്യം പറയട്ടെയെന്നായിരുന്നു സിദ്ധരാമയ്യ മാധ്യമങ്ങളോട് പറഞ്ഞത്. അദ്ദേഹം ജൈനമതത്തില്‍പെട്ടായാളാണ്. ജൈന്‍ മറ്റൊരു മതവിഭാഗമാണ്. അങ്ങനെയുള്ള ഷാ എങ്ങനെയാണ് തന്നെ കുറ്റപ്പെടുത്തുകയെന്നും അദ്ദേഹം ചോദിക്കുന്നു.