ന്യൂഡല്‍ഹി: തീവ്രവാദ വിഷയങ്ങളിലുള്ള പാക് നിലപാടില്‍ മാറ്റമില്ലാത്തതിനാല്‍ ചര്‍ച്ച തുടരുന്നതില്‍ അര്‍ഥമില്ലെന്ന് പ്രതിരോധ മന്ത്രി മനോഹര്‍ പരീക്കര്‍.

കഴിഞ്ഞ ഡിസംബറില്‍ പാക് പ്രധാനമന്ത്രിയുമായുള്ള സന്ദര്‍ശന വേളയില്‍ പ്രധാനമന്ത്രി നരേന്ദ്രമോദി ചര്‍ച്ചകള്‍ക്കായി അവസരങ്ങളുടെ വാതില്‍ തുറന്നിരുന്നു. എന്നാല്‍ ഇപ്പോള്‍ ആ വാതില്‍ അടഞ്ഞുകൊണ്ടിരിക്കുകയാണ്. പാകിസ്താന്റെ ആത്മാര്‍ഥമല്ലാത്ത നിലപാടുകളാണ് അതിനുകാരണം. ചര്‍ച്ചകളുടെ വാതില്‍ പൂര്‍ണമായി അടയുന്നതിനു മുന്‍പ്  പാകിസ്താന്‍ ഇന്ത്യയുടെ വിശ്വാസം നേടിയെടുക്കണം- പരീക്കര്‍ പറഞ്ഞു.

പാകിസ്താന്‍ ഭീകരവാദികളെ നല്ലതെന്നും ചീത്തതെന്നും തരംതിരിക്കുന്നു. ആദ്യം മോശം തീവ്രവാദികളേയും പിന്നീട് നല്ല തീവ്രവാദികളേയും ഇന്ത്യയ്ക്കും അഫ്ഗാനും എതിരേ പോരാടാന്‍ പ്രേരിപ്പിക്കുകയാണെന്നും മന്ത്രി പറഞ്ഞു