ബഗ്ദാദ്: ഇറാഖില്‍ ഖബറടക്ക ചടങ്ങിനിടെയുണ്ടായ ബോംബ് സ്‌ഫോടനത്തില്‍ പത്തു മരണം. 14 പേര്‍ക്ക് പരുക്കേല്‍ക്കുകയും ചെയ്തിട്ടുണ്ട്.
കഴിഞ്ഞ ദിവസം വടക്കന്‍ ഇറാഖി നഗരമായ ശിര്‍ഖത്തിലായിരുന്നു സംഭവം. ഇവിടെയുള്ള സുന്നി വിഭാഗത്തില്‍ പെട്ട മൂന്നു യുവാക്കളുടെ ഖബറടക്ക ചടങ്ങിനിടെ സ്‌ഫോടകവസ്തുക്കള്‍ പൊട്ടിത്തെറിക്കുകയായിരുന്നു. സര്‍ക്കാര്‍ സൈന്യവുമായി ചേര്‍ന്ന് ഐ.എസിനെതിരേ പോരാടുന്ന സുന്നി സായുധ വിഭാഗമായ ട്രൈബല്‍ മൊബിലൈസേഷന്‍ ഫോഴ്‌സസ് അംഗങ്ങളാണ് കൊല്ലപ്പെട്ട യുവാക്കള്‍. ഭീകരരുടെ ആക്രമണത്തിലാണ് ഇവര്‍ കൊല്ലപ്പെട്ടതെന്നാണു കരുതപ്പെടുന്നത്.