ബാര്‍മീര്‍: രാജസ്ഥാനില്‍ രണ്ടു പെണ്‍കുട്ടികളും ഒരു ആണ്‍കുട്ടിയുമടക്കം മൂന്നു കൗമാരക്കാര്‍ ഒരുമിച്ച് തൂങ്ങിമരിച്ച നിലയില്‍. രാജസ്ഥാനിലെ ബാര്‍മീര്‍ ജില്ലയില്‍ ഈ മാസം 12നാണ് സംഭവം. 12ഉം 13ഉം വയസുള്ളവരാണ് പെണ്‍കുട്ടികള്‍. ആണ്‍കുട്ടിക്ക് 17 വയസുണ്ട്. ഒരേ മരത്തിലാണ് ഇവര്‍ തൂങ്ങി മരിച്ചത്. ആണ്‍കുട്ടി ന്യൂനപക്ഷ സമുദായാംഗവും പെണ്‍കുട്ടികള്‍ ദലിത് വിഭാഗത്തില്‍പെട്ടവരുമാണ്. ആത്മഹത്യയാണെന്നാണ് പൊലിസിന്റെ പ്രാഥമിക നിഗമനം.

രണ്ട് പെണ്‍കുട്ടികള്‍ക്കും ആണ്‍കുട്ടിയുമായി ബന്ധമുണ്ടായിരുന്നതായാണ് വിവരം. മരണം സംബന്ധിച്ച് അന്വേഷണം പുരോഗമിച്ചുകൊണ്ടിരിക്കുകയാണെന്നും പൊലിസ് പറഞ്ഞു.