ചെങ്ങന്നൂര്‍: മെയ് 28ന് ചെങ്ങന്നൂര്‍ ഉപതെരഞ്ഞെടുപ്പ് നടത്തുമെന്ന തെരഞ്ഞെടുപ്പ് കമ്മീഷന്റെ പ്രഖ്യാപനത്തെ സ്വാഗതം ചെയ്ത് മൂന്ന് മുന്നണി സ്ഥാനാര്‍ഘികള്‍.
എല്‍.ഡി.എഫ് സ്ഥാനാര്‍ഘി സജി ചെറിയാന്‍ നൂറ്് ശതമാനം ആത്മവിശ്വാസമാണുള്ളതെന്നും എല്ലാ സംഘടനാ പ്രവര്‍ത്തനങ്ങളും ഇതിനകം പൂര്‍ത്തിയായെന്നും പറഞ്ഞു.
മണ്ഡലതലം മുതല്‍ ബൂത്ത് തലംവരെയുള്ള കണ്‍വെന്‍ഷനുകള്‍ പൂര്‍ത്തിയായി. താഴെത്തലത്തില്‍ മൂന്ന് തവണ വീടുകള്‍ കയറികഴിഞ്ഞു. പാര്‍ട്ടി കോണ്‍ഗ്രസില്‍ കുറച്ച് നേതാക്കല്‍ പോയിരിക്കുന്നത് ഒഴിച്ചാന്‍ തങ്ങളുടെ പ്രവര്‍ത്തനത്തിലെ സജീവതയ്ക്ക് ഒരു കുറവുമില്ല. അഞ്ച് വര്‍ഷത്തേക്കാണ് എല്‍.ഡി.എഫിന് ജനങ്ങള്‍ അവസരം നല്‍കിയത്.
അത് പൂര്‍ത്തിയാക്കണമെന്നാണ് ജനങ്ങള്‍ ആഗ്രഹിക്കുന്നതെന്നും തെരഞ്ഞെടുപ്പ് കമ്മീഷന്‍ നടപടിയെ സ്വാഗതം ചെയ്യുന്നതായും സജി ചെറിയാന്‍ പറഞ്ഞു.തെരഞ്ഞെടുപ്പ് പ്രഖ്യാപനം നീണ്ടുപോയത് സംബന്ധിച്ച ഇടതുവലത് മുന്നണികളുടെ ആക്ഷേപങ്ങള്‍ ഇതോടെ അവസാനിച്ചതായി എന്‍ഡിഎ സ്ഥാനാര്‍ത്ഥി പി.എസ്.ശ്രീധരന്‍പിള്ള പറഞ്ഞു. ബി.ജെ.പിയെ സംബന്ധിച്ച് ഇതുവരെ ഒരു പ്രവര്‍ത്തനവും നിര്‍ത്തിയിരുന്നില്ല.
ബി.ജെ.പിയോട് ജനങ്ങള്‍ക്ക് നേരത്തെയുണ്ടായിരുന്ന മനോഭാവമല്ല ഇപ്പോള്‍ ഉള്ളത്. ജയിക്കുന്ന സ്ഥാനാര്‍ത്ഥിയല്ല ബി.ജെ.പിയുടേതെന്ന കാഴ്ചപ്പാട് മാറി. ഇ്തവണ മത ന്യൂനപക്ഷങ്ങള്‍ ഉള്‍പ്പെടെ എല്ലാവിഭാഗം ആളുകളുടേയും വോട്ട് ബിജെപിയ്ക്ക് ലഭിക്കുമെന്നാണ് പ്രതീക്ഷിക്കുന്നതെന്നും തെരഞ്ഞെടുപ്പ് പ്രഖ്യാപത്തെ സ്വാഗതം ചെയ്യുന്നതായും ശ്രീധരന്‍പിള്ള പറഞ്ഞു.അതിശക്തമായ തെരഞ്ഞെടുപ്പ് പ്രവര്‍ത്തനങ്ങളുമായി മുന്നോട്ട് പോകുന്നകതായി ചെങ്ങന്നൂരിലെ യുഡിഎഫ് സ്ഥാനാര്‍ഘി ഡി.വിജയകുമാര്‍ പറഞ്ഞു. പണ്‌കൊഴുപ്പില്ലാതെ ചിട്ടയോടുള്ള പ്രവര്‍ത്തനങ്ങളാണ് നടക്കുന്നത്. പ്രവര്‍ത്തകരെല്ലാം ഒറ്റക്കെട്ടാണ്.
28ന് തെരഞ്ഞെടുപ്പ് നടക്കുമെന്നുള്ള പ്രഖ്യാപനത്തെ സ്വാഗതം ചെയ്യുന്നതിനെ സ്വാഗതം ചെയ്യുന്നു. സ്‌കൂള്‍തുറപ്പും കാലവര്‍ഷവും എത്തുന്നതിന് മമ്പേ തെരഞ്ഞെടുപ്പ് നടത്തുന്നത് എല്ലാവര്‍ക്കും സൗകര്യമായിരിക്കുമെന്നും വിജയകുമാര്‍ പറഞ്ഞു.