മലപ്പുറം: കോട്ടപ്പടിയില്‍ സീബ്രാലൈന്‍ ഇല്ലാത്തത് സ്‌കൂള്‍ വിദ്യാര്‍ഥികളും വൃദ്ധന്‍ന്മാരുമടക്കമുള്ള യാത്രക്കാര്‍ക്ക് ദുരിതമാവുന്നു. ഇതുമൂലം റോഡ് മുറിച്ച് കടക്കാന്‍ മിനുറ്റുകളോളം കാത്തിരിക്കേണ്ട അവസ്ഥയാണ്. 

മലപ്പുറം നഗരത്തിലെ പലയിടങ്ങളിലും മുന്‍പ് വരച്ച സീബ്രാലൈനുകളെല്ലാം മാഞ്ഞുപോയ നിലയിലാണ്. വാഹനത്തിരക്കേറിയ കോട്ടപ്പടിയില്‍ സീബ്രാലൈനില്ലാത്തതിനാല്‍ ആളുകള്‍ പലയിടത്തുനിന്നും റോഡ് മുറിച്ച് കടക്കുന്ന അവസ്ഥയാണ്. ഇതുമൂലം അപകട സാധ്യത വര്‍ധിക്കുന്നുണ്ട്.
അമിത വേഗതയില്‍ വരുന്ന വാഹനങ്ങള്‍ റോഡ് മുറിച്ച് കടക്കുന്നവരെ ശ്രദ്ധിക്കാത്തതും അപകടങ്ങള്‍ക്ക് കാരണമാകുന്നു. വിദ്യാര്‍ഥികളടക്കമുള്ള യാത്രക്കാര്‍ക്ക് മുറിച്ചു കടക്കാന്‍ വിദ്യാലയങ്ങള്‍ക്ക് മുന്നിലും പ്രധാന ജംഗ്ഷനിലും സീബ്രാലൈനുകള്‍ വരക്കണമെന്നാണ് ആവശ്യം.