എടപ്പാള്‍: വീടിന്റെ പിറകുവശത്തെ വാതില്‍ തകര്‍ത്ത് അകത്തു കയറിയ മോഷ്ടാവ് ഉറങ്ങിക്കിടന്ന യുവതിയുടെ കഴുത്തില്‍ കിടന്ന മാല പൊട്ടിച്ചു രക്ഷപ്പെട്ടു. ഇന്നലെ രാത്രി 2.30നു തൃക്കണാപുരം തങ്ങള്‍പടി ചുള്ളിയില്‍ ഹംസയുടെ വീടിന്റെ വാതില്‍ തകര്‍ത്താണ് മോഷ്ടാവ് അകത്തുകടന്നത്.
ഉറങ്ങിക്കിടന്നിരുന്ന ഇദ്ദേഹത്തിന്റെ മകളുടെ കഴുത്തിലണിഞ്ഞിരുന്ന മാല പൊട്ടിക്കുകയായിരുന്നു. മാല വലിച്ചതോടെ ഉണര്‍ന്ന യുവതി ശബ്ദമുണ്ടണ്ടാക്കിയതോടെ മോഷ്ടാവ് ഓടി രക്ഷപ്പെട്ടു. കുറ്റിപ്പുറം പൊലിസും വിരലടയാള വിദഗ്ധരും ഡോഗ് സ്‌ക്വാഡും സ്ഥലത്തെത്തി പരിശോധന നടത്തി.