മലപ്പുറം: അശരണര്‍ക്ക് കൈത്താങ്ങായി മലപ്പുറം ഗവ. കോളജ് ഹരിത വിദ്യാര്‍ഥിനികളുടെ 'ഉപ്പ്കുപ്പി. പാലിയേറ്റീവ് കെയര്‍ ദിനത്തോടനുബന്ധിച്ചുള്ള ഫണ്ട് ശേഖരണാര്‍ഥമാണ് വിദ്യാര്‍ഥിനികളുടെ നേതൃത്വത്തില്‍ ഉപ്പ്കുപ്പി എന്ന പേരില്‍ തട്ടുകട നടത്തിയത്. വിദ്യാര്‍ഥികളുടെ വീടുകളില്‍നിന്നുള്ള നാടന്‍ രുചികളാണ് തട്ടുകടയില്‍ വില്‍പന നടത്തിയത്. നാടന്‍ വിഭവങ്ങളുടെ കച്ചവടത്തിലൂടെ സമ്പാദിച്ച 3000 രൂപയും സംഭാവനയായി കിട്ടിയ തുകയും എം.എസ്.എഫ് പ്രവര്‍ത്തകര്‍ മലപ്പുറം പാലിയേറ്റീവ് കെയര്‍ ക്ലിനിക്കിലേക്ക് നല്‍കി. തട്ടുകടക്ക് കെ.കെ അഫീഫ ഷെറിന്‍, വി. നിബ നസ്‌റിന്‍, എ. സഫ്‌ന, എം.ടി നൂഫ, കെ. ഫാത്തിമ യുസൈറ, വി.പി റിന്‍ഷ, സി. മുബഷിറ, ഉമ്മു അമീറ നേതൃത്വം നല്‍കി.