പാലക്കാട് : വയറിളക്ക രോഗനിയന്ത്രണ പാനീയ ചികിത്സാ വാരാചരണത്തിന്റെ ജില്ലാതല ഉദ്ഘാടന സമ്മേളനം ഇന്ന് ഉച്ചക്ക് രണ്ടിന് കുഴല്‍മന്ദം ബ്ലോക്ക് പഞ്ചായത്ത് ഹാളില്‍ നടക്കും. കുഴല്‍മന്ദം ബ്ലോക്ക് പഞ്ചായത്ത് പ്രസിഡന്റ് ഷേര്‍ളി ഉദ്ഘാടനം നിര്‍വ്വഹിക്കും.
പഞ്ചായത്ത് പ്രസിഡന്റ് പ്രകാശ് അധ്യക്ഷത വഹിക്കുന്ന ചടങ്ങില്‍ ജില്ലാ മെഡിക്കല്‍ ഓഫീസര്‍ ഡോ. കെ. പി റീത്ത മുഖ്യപ്രഭാഷണം നടത്തും. ജില്ലാ സര്‍വ്വെയ്‌ലന്‍സ് ഓഫീസര്‍ ഡോ: കെ.എ നാസര്‍, ജില്ലാ ആര്‍.സി.എച്ച് ഓഫീസര്‍ ഡോ. ജയശ്രീ തുടങ്ങിയവര്‍ ക്ലാസെടുക്കും. ജൂണ്‍ 18 വരെയാണ് വാരാചരണം.