കൊച്ചി: അന്താരാഷ്ട്ര സമുദ്രോല്‍പന്നമേള കൂടുതല്‍ വിദേശനിക്ഷേപം ലഭ്യമാക്കുമെന്നു ഗവര്‍ണര്‍ ആരിഫ് മുഹമ്മദ് ഖാന്‍.
സുമുദ്രോല്‍പന്നക്കയറ്റുമതി വികസന അതോറിറ്റിയും (എം.പി.ഇ.ഡി.എ) സീഫുഡ് എക്‌സ്‌പോര്‍ട്ടേഴ്‌സ് അസോസിയേഷനും (എസ്.ഇ.എ) സംയുക്തമായി ലുലു ബോള്‍ഗാട്ടി ഇന്റര്‍നാഷനല്‍ കണ്‍വന്‍ഷന്‍ സെന്ററില്‍ സംഘടിപ്പിക്കുന്ന ത്രിദിന 'ഇന്ത്യ ഇന്റര്‍നാഷണല്‍ സീഫുഡ് ഷോ 2020' (ഐ.ഐ.എസ്.എസ് 2020) ഉദ്ഘാടനം ചെയ്യുകയായിരുന്നു അദ്ദേഹം. മേളയിലെ പുതിയസാങ്കേതികവിദ്യകള്‍ ഇന്ത്യയിലെ യുവസംരംഭകര്‍ക്കു വേണ്ടവിധം ലഭ്യമാക്കപ്പെടുമെന്ന് ഗവര്‍ണര്‍ പ്രതീക്ഷ പ്രകടിപ്പിച്ചു.
അക്വാകള്‍ച്ചര്‍ ഉല്‍പാദനം സംബന്ധിച്ച സര്‍ട്ടിഫിക്കേഷന്‍ സ്‌കീമും ഗവര്‍ണര്‍ ഉദ്ഘാടനം ചെയ്തു. സംസ്ഥാന വ്യവസായ വികസന കോര്‍പറേഷന്‍ ചെയര്‍മാന്‍ ക്രിസ്റ്റി ഫെര്‍ണാണ്ടസ് , എം.പി.ഇ.ഡി.എ ചെയര്‍മാന്‍ കെ.എസ്. ശ്രീനിവാസ് എന്നിവരും ചടങ്ങില്‍ സംസാരിച്ചു.