റോമ: ഉത്തേജക ഉപയോഗത്തെ തുടര്‍ന്ന് 15 മാസം വിലക്ക് ലഭിച്ച റഷ്യന്‍ ടെന്നീസ് താരം മരിയ ഷറപ്പോവ കളത്തിലേക്ക് തിരിച്ചെത്തുന്നു. താരത്തിന് വൈല്‍ഡ് കാര്‍ഡ് എന്‍ട്രി നല്‍കാമെന്ന് ഇറ്റാലിയന്‍ ഓപണിന്റെ സംഘാടകര്‍ അറിയിച്ചു. മെയിലാണ് ടൂര്‍ണമെന്റ് നടക്കുന്നത്.
അതേസമയം ഇതായിരിക്കില്ല വിലക്ക് നീങ്ങിയ ശേഷം താരം മത്സരിക്കുന്ന ആദ്യ ടൂര്‍ണമെന്റ്. ജര്‍മനിയിലെ സ്റ്റുട്ഗര്‍ട്ട് ഓപണിലാണ് താരം ആദ്യം മത്സരിക്കുക. മെയ് ആറിന് ആരംഭിക്കുന്ന മാഡ്രിഡ് ഓപണിലും താരത്തിന് വൈല്‍ഡ് കാര്‍ഡ് ലഭിച്ചിട്ടുണ്ട്.