കടമേരി: ആത്മ വിശുദ്ധിയിലൂടെ ജീവിത വിജയം കൈവരിക്കാന്‍ വിശ്വാസികള്‍ ജാഗ്രത പാലിക്കണമെന്നും ഭൗതിക പ്രമത്തതയില്‍ അമിതമായി ലയിച്ച് പോകുന്ന സമൂഹങ്ങള്‍ക്കിടയിലാണ് എന്നും അരാജകത്വം വര്‍ധിക്കുന്നതെന്നും സമസ്ത സെക്രട്ടറി എം.ടി അബ്ദുല്ല മുസിലിയാര്‍ അഭിപ്രായപ്പെട്ടു. കടമേരി റഹ്മാനിയ്യയില്‍ മാസംതോറും നടന്നുവരാറുള്ള മജ്‌ലിസുന്നൂറിന്റെ രണ്ടാം വാര്‍ഷിക സംഗമം  ഉദ്ഘാടനം  ചെയ്യുകയായിരുന്നു അദ്ദേഹം.
 റഹ്മാനിയ്യ വൈസ് പ്രന്‍സിപ്പല്‍ മാഹിന്‍ മുസ്‌ലിയാര്‍ പുല്ലാര അധ്യക്ഷനായി.
കടമേരി മഹല്ല് ഖാസി ചിറക്കല്‍ ഹമീദ് മുസ്‌ലിയാര്‍ പ്രാര്‍ഥന നടത്തി. ഹസന്‍ സഖാഫി  പൂക്കോട്ടൂര്‍ ഉദ്‌ബോധന പ്രഭാഷണം നടത്തി. റഹ്മാനിയ്യ വര്‍ക്കിങ് പ്രസിഡന്റ് എസ്.പി.എം. തങ്ങള്‍, മാനേജര്‍ ചീക്കിലോട്ട് കുഞ്ഞബ്ദുല്ല മുസ്‌ലിയാര്‍, ടി.പി.സി തങ്ങള്‍, കോഡൂര്‍ മുഹ്‌യുദ്ദീന്‍ മുസ്‌ലിയാര്‍, മുടിക്കോട് മുഹമ്മദ് മുസ്‌ലിയാര്‍, യൂസഫ് മുസ്‌ലിയാര്‍ മലപ്പുറം, ബഷീര്‍ ഫൈസി ചീക്കോന്ന്, പി.പി അഷ്‌റഫ് മൗലവി, കെ.മൊയ്തു ഫൈസി നിട്ടൂര്‍, ടി.വി.സി സമദ് ഫൈസി, കെ.എം അബ്ദുലത്തീഫ് നദ്‌വി, നാസര്‍ നദ്‌വി ശിവപുരം, അലി ഫൈസി മരുന്നൂര്‍, സുഹൈല്‍ റഹ്മാനി, കെ.പി മൊയ്തു മൗലവി, കുഞ്ഞബ്ദുല്ല ഫൈസി മൊകേരി, പുത്തലത്ത് അമ്മദ്, ഉസ്മാന്‍ ഹാജി ടിപ്‌ടോപ്പ്, നൊച്ചാട്ട് കുഞ്ഞബ്ദുല്ല, പി.എ മമ്മുട്ടി, എന്‍.കെ ജമാല്‍ ഹാജി, എന്‍.കെ അബ്ദുറഹ്മാന്‍ മുസ്‌ലിയാര്‍, അലി ഫൈസി മരുന്നൂര്‍ സംബന്ധിച്ചു.
യൂസഫ് റഹ്മാനി ചെമ്പ്രശ്ശേരി സ്വാഗതവും റാഷിദ് അശ്അരി നന്ദിയും പറഞ്ഞു.