ന്യൂഡല്‍ഹി: ഇന്ത്യാ സന്ദര്‍ശനത്തിനിടെയുണ്ടായ ഡല്‍ഹിയിലെ കലാപത്തെക്കുറിച്ച് പ്രതികരിക്കാത്ത യു.എസ് പ്രസിഡന്റ് ഡൊണാള്‍ഡ് ട്രംപിനെ രൂക്ഷമായി വിമര്‍ശിച്ച് ഡെമോക്രാറ്റിക് പാര്‍ട്ടിയുടെ പ്രസിഡന്റ് സ്ഥാനാര്‍ഥി ബെര്‍നി സാന്‍ഡേഴ്‌സ്. ഇന്ത്യാ സന്ദര്‍ശന വേളയില്‍ തലസ്ഥാനമായ ഡല്‍ഹിയിലുണ്ടായ കലാപത്തെക്കുറിച്ചു പ്രതികരിക്കാത്തത് 'നേതൃത്വത്തിന്റെ പരാജയ'മാണെന്നു സാന്‍ഡേഴ്‌സ് പറഞ്ഞു. 

200 മില്യണിലധികം മുസ്‌ലിംകളാണ് ഇന്ത്യയെ വീടായി കാണുന്നത്. വ്യാപകമായുണ്ടായ മുസ്‌ലിം വിരുദ്ധ അക്രമത്തില്‍ 27 പേര്‍ കൊല്ലപ്പെടുകയും നിരവധി പേര്‍ക്കു പരുക്കേല്‍ക്കുകയും ചെയ്തു. ട്രംപ് പറയുന്നത് അത് ഇന്ത്യയുടെ ആഭ്യന്തര വിഷയമാണെന്നാണ്. ഇതു മനുഷ്യാവകാശത്തെക്കുറിച്ചുള്ള നേതൃത്വത്തിന്റെ പരാജയമാണെന്നും സാന്‍ഡേഴ്‌സ് ട്വീറ്റ് ചെയ്തു.