ഇരിട്ടി: പൊലിസ് സ്റ്റേഷന് സമീപം കല്ലുമുട്ടിയിലെ കല്ലോറത്ത് സരോജിനി അമ്മയുടെ വീടിനോട് ചേര്‍ന്ന പുറകുവശത്തെ റബര്‍ പുകപ്പുരയ്ക്ക് തീപിടിച്ചു.  ഇന്നലെ രാത്രി 8.30 ഓടെ ആയിരുന്നു തീപിടുത്തം. പുകപ്പുരയും റബര്‍ഷീറ്റുകളും കത്തി നശിച്ചു. നായയെ രക്ഷിക്കാനുള്ള ശ്രമത്തിനിടെ ഗൃഹനാഥന്‍ രാമകൃഷ്ണനു പൊള്ളലേറ്റു.  ഇരിട്ടി അഗ്‌നിശമന സേനയുടെ സംയോജിതമായ ഇടപെടല്‍ വീട്ടിലേക്ക് തീപടരുന്നത് ഒഴിവാക്കി. രാമകൃഷ്ണന്റെ ഇരു കൈകള്‍ക്കും സാരമായി പരുക്കേറ്റു. റബര്‍ ഷീറ്റുകള്‍ക്കും വിറകിനും തീപിടിച്ച് ആളിപ്പടര്‍ന്നതാണ് കൂടുതല്‍ നാശനഷ്ടം സംഭവിക്കാന്‍ കാരണം.