ജിദ്ദ: ജിദ്ദയിലെ സാമൂഹിക, സാംസ്‌കാരിക രംഗത്തെ സജീവ സാന്നിധ്യമായ ഹസന്‍ തലശ്ശേരിയുടെ (കുഞ്ഞിപ്പുരയില്‍ ഹസന്‍) ഭാര്യ ലൈല ഹസന്‍ (49) ജിദ്ദയില്‍ ഹൃദയാഘാതംമൂലം നിര്യാതയായി. കഴിഞ്ഞ ദിവസം വൈകുന്നേരം മഹ്ജറിലെ ഫഌറ്റില്‍ കുഴഞ്ഞുവീണ ലൈലയെ ഉടന്‍ മഹ്ജര്‍ കിംഗ് അബ്ദുല്‍ അസീസ് ആശുപത്രിയില്‍ എത്തിച്ചുവെങ്കിലും രക്ഷിക്കാനായില്ല. തലശ്ശേരി വില്ലന്റവിടത്തെ അഹ്്മദിന്റെ മകളാണ്. മക്കള്‍: അബ്ദുറഹ്്മാന്‍, അബ്ദുല്‍ ഹമീദ്, മറിയം, മര്‍വ. സഹോദരങ്ങള്‍: അഷ്‌റഫ് (ഒമാന്‍), കൗലത്ത്, സജ്‌ന, റീന റഷീദ്. മൃതദേഹം ളുഹര്‍ നമസ്‌കാരാനന്തരം റുവൈസ് ഖബര്‍സ്ഥാനില്‍ ഖബറടക്കി.