വടകര: എന്‍ജിന്‍ തകരാറിനെ തുടര്‍ന്ന് ചെന്നൈ-മംഗലാപുരം എക്‌സ്പ്രസ് യാത്രക്കിടയില്‍ വഴിയില്‍ കുടുങ്ങി. ഇന്നലെ പുലര്‍ച്ചെ അഞ്ചരയോടെയാണ് കുഞ്ഞിപ്പള്ളി റെയില്‍വേ ഗേറ്റിനു സമീപം വടകരയില്‍ നിന്നു പുറപ്പെട്ട ട്രെയിനിന്റെ എന്‍ജിന്‍ തകരാറിലായത്. നിര്‍ദിഷ്ട റെയില്‍വേ മേല്‍പ്പാലത്തിന്റെ ജോലി നടക്കുന്നതിനാല്‍ വേഗത കുറച്ചാണ് ട്രെയിന്‍ ഇതുവഴി കടന്നുപോകുന്നത്. ഗേറ്റിനു സമീപം ട്രെയിന്‍ കുടുങ്ങിയതോടെ ഗേറ്റ് അടഞ്ഞുകിടന്നത് മണിക്കൂറോളം കുഞ്ഞിപ്പള്ളി-മോന്താല്‍-ഓര്‍ക്കാട്ടേരി റൂട്ടില്‍ വാഹന ഗതാഗതം സ്തംഭിക്കാനിടയാക്കി. തകരാര്‍ പരിഹരിച്ച ശേഷമാണ് ട്രെയിന്‍ ഗതാഗതം പുനഃസ്ഥാപിച്ചത്.