കോഴിക്കോട്: കരിപ്പൂര്‍ വിമാനത്താവളത്തോടുള്ള അവഗണനയ്‌ക്കെതിരേ പ്രവാസി ലീഗ് ഇന്നു കിഡ്‌സണ്‍ കോര്‍ണറില്‍ പ്രതിഷേധ സംഗമം നടത്തുമെന്ന് ജില്ലാ ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു.
വൈകിട്ട് 4.30ന് മുസ്‌ലിം ലീഗ് സംസ്ഥാന ജനറല്‍ സെക്രട്ടറി കെ.പി.എ മജീദ് ഉദ്ഘാടനം ചെയ്യും.
കണ്ണൂര്‍ വിമാനത്താവളത്തിനു നികുതി ഇളവ് നില്‍കിയപ്പോള്‍ കരിപ്പൂരിനോട് സംസ്ഥാന സര്‍ക്കാര്‍ തികഞ്ഞ അവഗണന തുടരുകയാണ്.
പൊതുമേഖലയിലുള്ള കരിപ്പൂര്‍ വിമാനത്താവളത്തെ അവഗണിക്കുന്നതിനു പിന്നില്‍ ദുരൂഹതയുണ്ടെന്നും അവര്‍ പറഞ്ഞു.
വാര്‍ത്താസമ്മേളനത്തില്‍ ജില്ലാ പ്രസിഡന്റ് കെ.പി ഇമ്പിച്ചിമമ്മു ഹാജി, ജനറല്‍ സെക്രട്ടറി അഹമ്മദ് കുറ്റിക്കാട്ടൂര്‍, ട്രഷറര്‍ കാരളോത്ത് പോക്കര്‍ ഹാജി, കുഞ്ഞഹമ്മദ് ഹാജി, മജീദ് വടകര, കെ.കെ കോയ പങ്കെടുത്തു.