ചേലേമ്പ്ര: ചീനാടത്ത് കോളനിയില്‍ വീടിന് മുകളിലേക്ക് പാറയിടിഞ്ഞ് വീണു. വീടിന് കേടുപാടുകള്‍ സംഭവിച്ചു. പരേതനായ ചോലയില്‍ കുഞ്ഞാടിയുടെ ഭാര്യ തങ്കയും മകനും കുടുംബവും താമസിക്കുന്ന വീടാണ് ഭാഗികമായി തകര്‍ന്നത്. ഇവര്‍ താമസിക്കുന്ന പുരയിടത്തോട് ചേര്‍ന്ന് നില്‍ക്കുന്ന ഭാഗത്ത് മണ്ണ് എടുത്തു മാറ്റിയതിനാല്‍ ശക്തമായ മഴ പെയ്തപ്പോള്‍ മണ്ണിടിച്ചില്‍ ഉണ്ടാകുകയായിരുന്നു.
ഇപ്പോള്‍ പാറ വീണ് ഭാഗത്ത് നിന്നു ഇനിയും പാറകള്‍ വീഴാന്‍ സാധ്യതയുള്ളത് വീട്ടുകാരിലും അയല്‍വാസികളിലും ഭീതി ഉയര്‍ത്തുന്നുണ്ട്. ചേലേമ്പ്ര ഗ്രാമ പഞ്ചായത്ത് പ്രസിഡന്റ് സി രാജേഷ്, വൈസ് പ്രസിഡന്റ് ജമീല മുഹമ്മദ്, വാര്‍ഡ് മെമ്പര്‍ ശ്രീജിത്ത് തുടങ്ങിയവര്‍ സ്ഥലം സന്ദര്‍ശിച്ചു.