കൊച്ചി: സംസ്ഥാനത്ത് ഇന്ധന വിലയില്‍ തുടര്‍ച്ചയായി ഇടിവ് രേഖപ്പെടുത്തുന്നു. കൊവിഡ് 19 ബാധയുടെ പശ്ചാത്തലത്തില്‍ ആഗോള വിപണിയില്‍ എണ്ണയ്ക്ക് ആവശ്യം കുറഞ്ഞതോടെ കഴിഞ്ഞ ദിവസങ്ങളിലുണ്ടായ വിലക്കുറവ് തുടരുകയാണ്.
സംസ്ഥാനത്ത് രണ്ടാഴ്ചയ്ക്കിടെ ഒന്നര രൂപയുടെ കുറവാണുണ്ടായത്. ഇന്നലെ പെട്രോളിന് 30 പൈസയും ഡീസലിന് 26 പൈസയും കുറഞ്ഞു. ഈ വര്‍ഷം ഇതുവരെ പെട്രോളിന് 4.65 രൂപയും ഡീസലിന് 4.97 രൂപയും കുറവുണ്ടായിട്ടുണ്ട്. കൊച്ചിയില്‍ ഇന്നലെ പെട്രോളിന് 72.43 രൂപയും ഡീസലിന് 66.65 രൂപയുമായിരുന്നു വില. കോഴിക്കോട്ട് 72.75 രൂപയും ഡീസലിന് 66.97 രൂപയും. രാജ്യാന്തര വിപണിയില്‍ ബ്രെന്റ് ക്രൂഡിന് 36.33 ഡോളറാണ് വില.