ന്യൂഡല്‍ഹി: ബംഗാള്‍ നിയസമഭാ തെരഞ്ഞെടുപ്പില്‍ കോണ്‍ഗ്രസുമായുണ്ടാക്കിയ സഖ്യം ഇന്ന് തുടങ്ങുന്ന സി.പിഎം കേന്ദ്ര കമ്മിറ്റി ചര്‍ച്ച ചെയ്യും.
ഇന്നലെ നടന്ന പി.ബിയില്‍ വി.എസിന്റെ പദവിയുമായി ബന്ധപ്പെട്ട ചര്‍ച്ച നടന്നില്ലെന്നാണ് സൂചന. ഈ സാഹചര്യത്തില്‍ വി.എസിനോട് അടുപ്പമുള്ളവര്‍ കേന്ദ്ര കമ്മിറ്റിയില്‍ ഇക്കാര്യം ഉന്നയിക്കാന്‍ സാധ്യതയുണ്ട്. വി.എസിന്റെ കാര്യത്തില്‍ എത്രയും പെട്ടെന്ന് തീരുമാനമുണ്ടാകണമെന്ന പക്ഷക്കാരനാണ് യെച്ചൂരിയെങ്കിലും പി.ബിയില്‍ ഭൂരിപക്ഷമില്ലാത്ത സാഹചര്യത്തില്‍ കടുംപിടുത്ത നിലപാട് സ്വീകരിക്കാനും അദേഹത്തിന് സാധ്യമല്ല. സംസ്ഥാനത്ത് നല്ല ഭരണതുടക്കം സാധ്യമായെന്ന അഭിപ്രായമാണ് കേന്ദ്ര നേതൃത്വത്തിന് പൊതുവെയുള്ളത്.