വൈപ്പിന്‍:യുവതിയായ വീട്ടമ്മയെ ഭീഷണിപ്പെടുത്തി പ്രകൃതി വിരുദ്ധലൈംഗീക പീഡനത്തിനിരയാക്കിയ യുവാവിനെ മുനമ്പം പൊലിസ് അറസ്റ്റ് ചെയ്തു.  ചെറായി ഒ.എല്‍.എച്ച് കോളനിയില്‍ താമസിക്കുന്ന കൊടുശേരി വീട്ടില്‍ വിനു കെ. സത്യനാ(29)ണ് അറസ്റ്റിലായത്. കഴിഞ്ഞ വര്‍ഷം ഒക്‌ടോബര്‍ 23നു രാത്രിയിലായിരുന്നു സംഭവം. പുറത്ത് പറഞ്ഞാല്‍ കൊന്നു കളയുമെന്ന ഭീഷണിയും ഉണ്ടായിരുന്നു. കഴിഞ്ഞമാസം 13നാണ് വീട്ടമ്മ പരാതി നല്‍കിയത്.  തുടര്‍ന്ന് പൊലിസ് കേസെടുത്ത് അന്വേഷിച്ചു വരികയായിരുന്നു. വ്യാഴാഴ്ച രാത്രി മുനമ്പം എസ്.ഐ ടി.വി ഷിബുവാണ് പ്രതിയെ അറസ്റ്റ് ചെയ്തത്. കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.