തലശ്ശേരി: എട്ടു ദിവസം നീളുന്ന ജഗന്നാഥ ക്ഷേത്രോത്സവത്തിന്
കൊടിയേറി. ശിവഗിരി മഠത്തിലെ സനല്‍ ശാന്തിയുടെ കാര്‍മികത്വത്തിലാണ് ഉത്സവം കൊടിയേറിയത്. മേല്‍ശാന്തി സബീഷ്, ശാന്തിമാരായ വിനു, ശശി, സെല്‍വരാജ,് ലജീഷ് പങ്കെടുത്തു. രാത്രി എട്ടിന് നടന്ന കൊടി പൂജയ്ക്ക് ശേഷം 8.45 നായിരുന്നു കൊടിയേറ്റം. രാത്രി 10 മണിയോടെ എഴുന്നള്ളത്തും നടന്നു. ആറ് ദിവസങ്ങളിലായി നടക്കുന്ന സാംസ്‌കാരിക സമ്മേളനം ഇന്ന് തുടങ്ങും.  പി.വി ചന്ദ്രന്‍ ഉദ്ഘാടനം ചെയ്യും. 'മതേതര സങ്കല്‍പം ഗുരുവിന്റെ വീക്ഷണത്തില്‍' എന്ന വിഷയത്തില്‍ നടക്കുന്ന സമ്മേളനത്തില്‍ ശിവഗിരി മഠം ജനറല്‍ സെക്രട്ടറി സാന്ദ്രാനന്ദ സ്വാമികള്‍ അധ്യക്ഷനാകും. 14 വരെ രാത്രി ഏഴിന് സാംസ്‌കാരിക സമ്മേളനം നടക്കും. 13 വരെ രാത്രി ഒമ്പതിന് എഴുന്നെള്ളത്തുനടക്കും.