ന്യൂഡല്‍ഹി: ഇന്ത്യയില്‍ നിര്‍മിക്കാന്‍ ആഗ്രഹിക്കുന്ന രാമരാജ്യത്തിന്റെ മാതൃക ദുബായ് ആണെന്ന് യോഗഗുരു ബാബാ രാംദേവ്. ദുബായ് വേള്‍ഡ് ട്രേഡ് സെന്ററില്‍ സംഘടിപ്പിച്ച അന്താരാഷ്ട്ര യോഗാദിന പരിപാടിയില്‍ സംസാരിക്കുകയായിരുന്നു രാംദേവ്.
യോഗ മതാചാരമല്ലെന്നം മതേതരമാണെന്നും പറഞ്ഞാണ് സെന്ററിലെ യോഗാ പരിശീലന പരിപാടി തുടങ്ങിയത്.യോഗാസനത്തിന് ഓംകാരത്തിന് പകരം ആമീന്‍ ഉരുവിടാം എന്നും രാംദേവ് പറഞ്ഞു. ഇന്ത്യയില്‍ രാമരാജ്യം സ്ഥാപിക്കാന്‍ ശ്രമിക്കുമ്പോള്‍ ദുബായ് പണ്ടേ രാമരാജ്യമാണെന്നും അഴിമതിയും അക്രമവുമില്ലാത്ത ദുബായിയാണ് രാമരാജ്യത്തിന് മാതൃകയെന്നും ബാബാ രാംദേവ് പറഞ്ഞു.