കോഴിക്കോട്: കമ്മ്യൂണിസ്റ്റ് പാര്‍ട്ടി ഫെഡറലിസത്തിന്റെ കൂടെയല്ലെന്നും ബി.ജെ.പിയുടെ ബി ടീമായി പ്രവര്‍ത്തിക്കുകയാണന്നും ഡി.സി.സി പ്രസിഡന്റ് അഡ്വ. ടി. സിദ്ദീഖ്. ബംഗാള്‍ നിലപാടിലൂടെ ആവര്‍ത്തിക്കുന്നത് ഇതാണ്. ദേശീയ രാഷ്ട്രീയത്തിലും സി.പി.എം പുലര്‍ത്തുന്നത് ഇതേ നിലപാടാണ്. ബി.ജെ.പി നടത്തിയ ഏറ്റവും വലിയ അഴിമതിയായ റഫേല്‍ ഇടപാടിനെ കുറിച്ച് ഇന്നേവരെ പിണറായി ഉള്‍പ്പെടെയുള്ള സി.പി.എം നേതാക്കള്‍ പ്രതികരിക്കാന്‍ തയാറായിട്ടില്ല. സി.പി.എം-ബി.ജെ.പി ഒത്തുകളിയുടെ ഭാഗമായാണിതെന്നും സിദ്ദീഖ് പറഞ്ഞു.