കോട്ടയം: സ്ത്രീ സുരക്ഷ സമൂഹത്തിന്റെ മുഴുവനായ ഉത്തരവാദിത്വമാണെന്ന് കോട്ടയം ജില്ലാ കലക്ടര്‍. വനിതാ ദിനത്തോട് അനുബന്ധിച്ച് കോട്ടയം പ്രസ്‌ക്ലബ് ജേര്‍ണലിസം വിദ്യാര്‍ഥികള്‍ കലക്ടറെ സന്ദര്‍ശിച്ച് ആശംസകളറിയിച്ചതിന് മറുപടി നല്‍കുകയായിരുന്നു അവര്‍.
''പ്രൗഡ് ടു ബീ വുമണ്‍'' എന്ന പരിപാടിയുടെ ഭാഗമായി ജില്ലയിലെ വിവിധ മേഖലകളില്‍ പ്രവര്‍ത്തിക്കുന്ന വനിതകളെ അനുമോദിക്കുന്നത്തിന്റെ ഭാഗമായിട്ടായിരുന്നു സന്ദര്‍ശനം. തുടര്‍ന്ന് ആശംസകള്‍ പങ്കുവെച്ചും മധുരം വിതരണം ചെയ്തുമാണ് വിദ്യാര്‍ഥികള്‍ മടങ്ങിയത്.