കോഴിക്കോട്: ഗ്രന്ഥശാലകളിലേക്കു വായനക്കാരെ തിരിച്ചുകൊണ്ടുവരാന്‍ ലൈബ്രറികള്‍ക്കുള്ള വാര്‍ഷിക ഗ്രാന്‍ഡ് സമ്പ്രദായത്തില്‍ കാതലായ പരിഷ്‌കരണം ആവശ്യമാണെന്ന് തൊഴില്‍-എക്‌സൈസ് വകുപ്പു മന്ത്രി ടി.പി രാമകൃഷ്ണന്‍ അഭിപ്രായപ്പെട്ടു. പി.എന്‍ പണിക്കരുടെ ചരമവാര്‍ഷികത്തോടനുബന്ധിച്ച് ഇന്‍ഫര്‍മേഷന്‍ ആന്‍ഡ് പബ്ലിക് റിലേഷന്‍സ് വകുപ്പിന്റെ നേതൃത്വത്തില്‍ സംഘടിപ്പിച്ച വായനാവാരാഘോഷ പരിപാടികളുടെ ജില്ലാതല ഉദ്ഘാടനം മാത്തറ ഇ.എം.എസ് ഹാളില്‍ നിര്‍വഹിക്കുകയായിരുന്നു അദ്ദേഹം.
കവി പി.കെ ഗോപി മുഖ്യപ്രഭാഷണം നടത്തി. വിദ്യാഭ്യാസ വകുപ്പ്, പി.എന്‍ പണിക്കര്‍ ഫൗണ്ടേഷന്‍, പന്തീരങ്കാവ് എഴുത്തുപുര, പുത്തൂര്‍ ദേശസേവിനി വായനശാല എന്നിവയുടെ സഹകരണത്തോടെ സംഘടിപ്പിച്ച ചടങ്ങില്‍ പി.ടി.എ റഹീം എം.എല്‍.എ അധ്യക്ഷനായി.
ജില്ലാ പഞ്ചായത്ത് പ്രസിഡന്റ് ബാബു പറശ്ശേരി എഴുത്തുകാരായ കെ.എസ് വെങ്കിടാചലം, ടി.സി നാരായണന്‍ നമ്പൂതിരി എന്നിവരെ പൊന്നാടയണിയിച്ച് ആദരിച്ചു. പി.എന്‍ പണിക്കര്‍ ഫൗണ്ടേഷന്‍ ജില്ലാ സെക്രട്ടറി അഡ്വ. എം. രാജന്‍ പി.എന്‍ പണിക്കര്‍ സ്മൃതി പ്രതിജ്ഞ ചൊല്ലിക്കൊടുത്തു. കോഴിക്കോട് ബ്ലോക്ക് പഞ്ചായത്ത് പ്രസിഡന്റ് എന്‍. മനോജ്കുമാര്‍, ഒളവണ്ണ ഗ്രാമപഞ്ചായത്ത് പ്രസിഡന്റ് കെ. തങ്കമണി, വൈസ് പ്രസിഡന്റ് മനോജ് പാലാത്തൊടി, ജില്ലാ ഇന്‍ഫര്‍മേഷന്‍ ഓഫിസര്‍ ഖാദര്‍ പാലാഴി, ജില്ലാ ഉപവിദ്യാഭ്യാസ ഡയരക്ടര്‍ ഗിരീഷ് ചോലയില്‍, ഇ.പി ജ്യോതി, ടി.കെ.എ അസീസ്, കെ. ബൈജു, ചോലക്കല്‍ രാജേന്ദ്രന്‍, കെ.കെ കോയ, ഇ. രമേശന്‍, പി. സുരേന്ദ്രന്‍, ജയപ്രകാശന്‍ മാസ്റ്റര്‍, അസിസ്റ്റന്റ് ഇന്‍ഫര്‍മേഷന്‍ ഓഫിസര്‍ സി.പി അബ്ദുല്‍ കരീം സംസാരിച്ചു