കൊച്ചി: സമസ്ത കേരള ജംഇയ്യത്തുല്‍ ഉലമ കേന്ദ്ര മുശാവറ അംഗമായി തെരഞ്ഞെടുക്കപ്പെട്ട പി.എസ് ഹസന്‍ ഫൈസിയെ ആദരിച്ചു. എസ്.വൈ.എസ് ജില്ലാകമ്മിറ്റിയുടെ ആഭിമുഖ്യത്തില്‍ കലൂര്‍ കറുകപളളി ശംസുല്‍ ഉലമ പഠന കേന്ദ്രത്തില്‍ നടന്ന സമ്മേളനം സമസ്ത ജില്ലാ പ്രസിഡന്റ് ഐ.ബി ഉസ്മാന്‍ ഫൈസി ഉദ്ഘാടനം ചെയ്തു.
എസ്.വൈ.എസ് ജില്ലാ പ്രസിഡന്റ് സയ്യിദ് ഷറഫുദ്ദീന്‍ തങ്ങള്‍ അധ്യക്ഷത വഹിച്ചു. സി.എം അബ്ദുല്‍ റഹുമാന്‍ കുട്ടി സ്വാഗതം പറഞ്ഞു. എസ്.വൈ.എസ് സംസ്ഥാന സെക്രട്ടറി കെ.ഇ മുഹമ്മദ് മുസ്‌ലിയാര്‍ ഉപഹാര സമര്‍പ്പണം നടത്തി.
യോഗത്തില്‍ മുഫത്തിഷ് എന്‍.കെ മുഹമ്മദ് ഫൈസി, സംസ്ഥാന വൈസ് പ്രസിഡന്റ് എ എം പരീത്, കെ.കെ ഇബ്രാഹിം ഹാജി, പി.സി മുഹമ്മദ്, ഹസൈനാര്‍ മൗലവി, അബൂബക്കര്‍ ഫൈസി, അബ്ദുല്‍ സമദ് ദാരിമി തുടങ്ങിയവര്‍ സംസാരിച്ചു.