കണ്ണൂര്‍: താണയിലെ നിരീക്ഷണ കേന്ദ്രത്തില്‍ നിന്നു കൊവിഡ് നിരീക്ഷണത്തിലാക്കിയ ആളെ കടത്തിക്കൊണ്ടുപോയെന്ന പരാതിയില്‍ കോര്‍പറേഷനിലെ ലീഗ് കൗണ്‍സിലറെ പൊലിസ് അറസ്റ്റുചെയ്തു. താണ ഡിവിഷനിലെ കൗണ്‍സിലര്‍ എം. ഷഫീഖിനെയാണ് ടൗണ്‍ പൊലിസ് അറസ്റ്റുചെയ്തത്. ഇദ്ദേഹത്തെ സ്റ്റേഷനില്‍ നിന്നു ജാമ്യത്തില്‍ വിട്ടു. താണയിലെ പ്രീമെട്രിക് ഹോസ്റ്റലില്‍ പാര്‍പ്പിച്ച ഇദ്ദേഹത്തിന്റെ ബന്ധുവിനെ വ്യാഴാഴ്ച രാത്രി കടത്തിക്കൊണ്ടുപോയെന്നു നിരീക്ഷണത്തില്‍ കഴിയുന്ന മറ്റുള്ളവര്‍ പൊലിസില്‍ പരാതി നല്‍കുകയായിരുന്നു.

എന്നാല്‍ ഹോസ്റ്റലില്‍ സൗകര്യമില്ലാത്തതിനാല്‍ തഹസില്‍ദാരുടെ വാക്കാല്‍ അനുമതിയോടെ വീട്ടിലേക്കു കൂട്ടിക്കൊണ്ടുപോവുകയായിരുന്നുവെന്നും കടത്തിക്കൊണ്ടുപോയിട്ടില്ലെന്നും ഷഫീഖ് പറഞ്ഞു.