തിരുവനന്തപുരം: കാലങ്ങളായി പിഴുതുവീണതും ഒടിഞ്ഞുവീണതുമായ മരങ്ങളല്ലാതെ ഫോറസ്റ്റ് വകുപ്പിന്റെ അനുമതിയില്ലാതെ മെഡിക്കല്‍ കോളജ് കാംപസില്‍ അനധികൃതമായി ഒരു മരവും മുറിച്ചിട്ടില്ലെന്ന് മെഡിക്കല്‍ കോളജ് പ്രിന്‍സിപ്പാള്‍. ജീവനും സ്വത്തിനും ഭീഷണിയായി വര്‍ഷങ്ങള്‍ പഴക്കമുള്ള നൂറുകണക്കിന് മരങ്ങള്‍  ക്യാമ്പസിലുണ്ട്. എങ്കിലും അനധികൃതമായി ഒരു മരവും മുറിച്ചുമാറ്റിയിട്ടില്ല. മാത്രമല്ല നിര്‍മ്മാണ പ്രവര്‍ത്തനങ്ങള്‍ നടക്കുന്ന സ്ഥലത്തുള്ള ഒരു മരവും പിഴുതിടുകയോ മുറിച്ചു മാറ്റുകയോ ചെയ്തിട്ടില്ലെന്നും പ്രിന്‍സിപ്പാള്‍ വ്യക്തമാക്കി.