തിരുവനന്തപുരം: അന്തര്‍ദേശീയ ഒളിമ്പിക് ദിനാചരണത്തിന്റെ ഭാഗമായി ജില്ലയില്‍ വിപുലമായ പരിപാടികള്‍. ദിനാചരണത്തിന്റെ ഭാഗമായുള്ള റാലിയും പൊതുസമ്മേളനവും നാളെ കായിക മന്ത്രി ഇ.പി.ജയരാജന്‍ ഉദ്ഘാനം ചെയ്യും.
രാവിലെ 7.45 ന് കവടിയാര്‍ സ്‌ക്വയറില്‍ നിന്നും തുടങ്ങുന്ന കൂട്ടയോട്ടവും റാലിയും കായിക മന്ത്രി ഫ്‌ളാഗ്ഓഫ് ചെയ്യും. ദേവസ്വം മന്ത്രി കടകംപള്ളി സുരേന്ദ്രന്‍ അധ്യക്ഷത വഹിക്കുന്ന പൊതുസമ്മേളനം മേയര്‍ വി.കെ.പ്രശാന്ത് ഉദ്ഘാടനം ചെയ്യും.
എം.എല്‍.എമാരായ വി.മുരളീധരന്‍, വി.എസ്.ശിവകുമാര്‍ സ്‌പോര്‍ട്‌സ് കൗണ്‍സില്‍ പ്രസിഡന്റ് അഞ്ജു ബോബി ജോര്‍ജ്ജും പങ്കെടുക്കും. കായിക താരങ്ങള്‍ക്കൊപ്പം സാമൂഹിക രാഷ്ട്രീയ സാംസ്്കാരിക രംഗത്തെ മഹാസാരഥികളും
സൈനിക, അര്‍ദ്ധ സൈനിക, കേന്ദ്രസേന, പൊലിസ്, സ്‌കൗട്ട്, എന്‍സിസി, എന്‍എസ് എസ്, എല്‍എന്‍സിപിഇ തുടങ്ങിയ വിഭാഗങ്ങളും റാലിയില്‍ പങ്കെടുക്കും.
8.30 യ്ക്ക് സെന്‍ട്രല്‍ സ്‌റ്റേഡിയത്തില്‍ റാലി അവസാനിക്കും. ദിനാചരണത്തിന്റെ ഭാഗമായി ജില്ലയിലെ വിവിധ വിദ്യാലയങ്ങളെ പങ്കെടുപ്പിച്ചുകൊണ്ട് ഇന്ന് രാവിലെ 9ന് സ്‌പോര്‍ട് ക്വിസ് മത്സരം സെന്‍ട്രല്‍ സ്‌റ്റേഡിയത്തില്‍ നടക്കം.