മൂവാറ്റുപുഴ: സംസ്ഥാന പിന്നോക്ക വിഭാഗ വികസന കോര്‍പറേഷന്‍ ഉപജില്ലാ ഓഫിസ് മൂവാറ്റുപുഴയില്‍ അനുവദിച്ചു. കോര്‍പ്പറേഷന്റെ ജില്ലാ ഓഫിസ് എറണാകുളത്ത് മാത്രമാണ് പ്രവര്‍ത്തിക്കുന്നത്. എന്നാല്‍ ജില്ലയുടെ കിഴക്കന്‍ മേഖലയിലുളളവര്‍ക്ക് എറണാകുളത്തെത്തി കാര്യങ്ങള്‍ നടത്തിയെടുക്കുവാന്‍ വലിയ ബുദ്ധിമുട്ട് അനുഭവിക്കുകയായിരുന്നു. മൂവാറ്റുപുഴ, കൂത്താട്ടുകുളം, കോതമംഗലം മേഖലകളില്‍ നിന്നുളള ആയിരക്കണക്കിന് കുടുംബങ്ങള്‍ക്ക് സൗകര്യപ്രദമായി ഓഫിസിലെത്തി ഇടപാടുകള്‍ അനായാസം നടത്തുന്നതിന് കോര്‍പ്പറേഷന്റെ ഒരു ഉപജില്ലാ ഓഫീസ് മൂവാറ്റുപുഴയില്‍ സ്ഥാപിക്കണമെന്ന ആവശ്യം ഉന്നയിക്കുവാന്‍ തുടങ്ങിയിട്ട് വര്‍ഷങ്ങളായി.